Ferry lumubog: 12 katao lunod

BATANGAS CITY, Philippines – Trahedya na naman sa dagat ang sumalubong sa 12-katao makaraang malu­nod sa paglubog ng isang motorized bangka kung saan aabot naman sa 52 ang nailigtas kahapon ng tanghali sa karagatan ng Batangas.

Kabilang sa mga bikti­mang nasawi ay sina Fran­co Eugenio, 3, ng White Plains, Quezon City; Anton Cruz, 2, ng White Plains; Gregonia Pabliko, 58, ng Sta Cruz, Manila; Albino Pabliko, 55; Beta Bardin, 2, ng Sta Mesa; Melanie Ber­din, 30; Desiree Teo­doro, 20, ng Taytay, Rizal; Joana Perez, 25, ng Batangas; Mina Ricci Cads ng Rizal; Daisy Eugenio ng Quezon City; Hosotani Shoji at isang yaya Tess.

Sa ulat ni Lt. Comman­der Troy Cornelio, commander ng Batangas Coast Guard, bandang alas-11 ng umaga nang maglayag ang M/B Commando Sais mula sa Batangas port papun­tang White Beach sa Puer­to Galera nang masira ang katig nito sa karagatang sakop ng Balahibong Puti Point.

Nabatid na hinampas ng malalaking alon ang banka hanggang sa bumigay ang ka­tig nito at tuluyang lu­mubog bandang alas-12 ng tang­hali.

Mabilis naman nagpa­dala si Lt Cmdr. Cornelio ng dalawang rescue vessel sa area para sagipin ang mga pasahero kabilang na rin ang ilang private banca ope­rators sa Puerto Galera.

Pansamantalang dinala ang mga nasawi sa Puerto Galera samantalang dinala naman ang mga naka­lig­tas sa ospital ng bayan. Dagdag ulat ni Joy Cantos