2 bulagta sa rambol

RIZAL, Philippines – Dalawa-katao ang kumpirmadong nasawi habang isa pa ang nasa malubhang kalagayan maka­raang magrambulan ang dalawang grupo ng kalala­kihan kamakalawa ng gabi sa Sitio Epe­tha, Brgy. San Isi­dro. Namatay habang ginagamot sa Antipolo District Hospital sina Salvador Villamayor, 49; at Archie Versoza, 23, kapwa residente ng Brgy. San Isidro. Nasa Kritikal na kondisyon at ginagamot sa Amang Rodriguez Medical Center sa Marikina City si Noel Tolentino. Kalaboso ma­tapos maaresto ang dalawa sa  anim  na  suspek  na  sina  Ro­bert  Lopez, at Dennis  Matoci­nos, kapwa nakatira  sa Sitio Tanglaw. Kabilang sa mga suspek na tugis ng pu­lisya ay ang magkapatid na Ron-Ron Panelo, at  Er­nesto Panelo, Joseph  Baldo at  isang alyas Toni. Sa ulat ni PO2  Ginnie  San  Antonio, lumilitaw na pawang mga la­ngo sa alak ang dalawang grupo nang magkainitan at mauwi sa madugong rambulan kung saan nasaksak ang dalawa. - Danilo Garcia