5 minero nalason, todas

BULACAN, Philippines – Sa pag-aakalang may makuku­hang ginto sa iligal na mi­na­han ay napaaga ang salubong ni kamatayan sa limang mi­nero makaraang makalang­hap ng nakalala­song kemi­kal sa loob ng tunnel kaha­pon ng umaga sa Sitio Bu­laong, Ba­rangay Talbak sa bayan ng Doña Remedios Trinidad, Bula­can.

Hindi na naisalba pa ng mga awtoridad ang buhay nina alyas Boyet, lider ng grupo ng Brgy.Tumana, Ba­liwag; Abner Dela Peña, 25; Nelson Dela Peña, 21; Jo­nathan Lopez, 19; at si Chris­thoper Baisan, 38, habang nakaligtas naman sina Jonel Pedro, Andy Tan, at si Mario Videña, 56, na pawang mga resi­dente ng Barangay Tal­bak sa Bayan ng Doña Re­medios Trinidad, Bu­lacan.

Sa police report na na­ka­rating kay P/CInsp. Lo­renzo Payno, lumilitaw na dakong alas-11:30 ng tang­hali nang nagpunta ang grupo sa kabundukang bahagi ng Sitio Bulaong para pumasok sa tunnel kung saan ma­raming ginto na kanilang na­balitaan sa ibang kaibigan.

Napag-alamang nasa 25 metrong lalim na tunnel ang mga biktimang may bitbit na de-gasolinang water pump upang gamitin sa pagsipsip ng tubig.

Sa hindi inaasahang pagkakataon ay nang big­lang lumabas sa hinukay na tunnel sina Pedro, Tan at Vi­dena dahil sa kinaka­pos ng hininga dahil sa ma­sang­sang na amoy na kanilang nalang­hap mula sa water pump.

Kaagad naman huming­gi ng tulong sa mga kinau­uku­lan ang tatlo para ma­isalba ang kanilang limang kasama­hang minero suba­lit maging ang mga rescue team ay hindi nakatiis sa ma­sang­sang na amoy kaya napili­tang lumabas ng tunnel.

Nang makuha ang li­mang biktima ay agad na dinala sa klinika sa bayan ng San Ilde­fonso subalit idi­neklarang patay.

Inaalam ng pulisya kung saan kumuha ng pahintulot ang mga minero para ma­kapaghukay ng tunnel sa nabanggit na barangay.