4 sugatan sa plane crash

PULILAN, Bulacan, Philippines – Apat-katao kabilang ang tatlong Arabong estud­yante ang iniulat na nasu­gatan makaraang bumag­sak ang isang pribadong eroplano sa bakanteng lote sa Barangay Tenejero sa bayan ng Pulilan, Bulacan kamakalawa.

Naisugod sa Our Lady Of Mercy Hospital at Good Shepherd Hospital ang mga biktimang sina Captain Richard Barredo ng Cavite City, at mga Ara­bong estudyante na sina Majedsal Bahasan, Khalid Jamal Al Farsoti at si Mu­hammad Misky na nag­tamo ng sugat sa iba’t ibang bahagi ng katawan.

Bandang alas-9:25 ng umaga nang mag-takeoff ang Cessna 172 single engine (RP-C8693) ni Capt. Barredo mula sa Plaridel Airport para turuang mag­pali­pad ng eroplano ang tatlong Arabo.

Subalit ilang minuto pa lamang nasa ere ay  bigla na lang nasiraan ang ero­plano at unti-unting bumu­lusok bago sumabit sa punongka­hoy at bumagsak sa bakan­teng lote na pag-aari ni Rene Sevilla.

Kasalukuyang iniimbes­ti­gahan ng mga kinauuku­lang ahensya ng pama­halaan ang naganap na plane crash. Boy Cruz