Iligal rekruter dinakma

BULACAN , Philippines – Rehas na bakal ang binagsakan ng dalawang kalalakihan ka­bilang ang isang Tsino na sinasabing iligal rekruter makaraang maaresto ng pulisya dahil sa reklamo ng tatlong sibilyan kamaka­lawa sa bayan ng Sta. Maria, Bulacan.

Inihahanda na ang mga ebidensya para kasuhan ang mga suspek na sina Kim Thenchen, 27, negos­yante, tubong Chen Zen, China at pansaman­ta­lang nanunuluyan sa Brgy. Tuktukan, Guiguinto, at Mario Roca, 19, ng Brgy. Pinasling, Gerona,Tarlac.

Nabatid na inireklamo ang mga suspek ng mga biktimang sina Carlos Mendoza, 35, asawa ni­tong si Charity, 35 at ka­patid ni Carlos na si Barbara Mendoza, 38, pawang naninirahan sa Brgy. San Vicente, Sta. Maria. Ayon sa ulat ng pulisya, ang mga biktima na sinasa­bing nakapagbigay na ng ma­laking halaga ay pi­na­nga­kuan ng trabaho bi­lang security guard at waitress sa Macau Tourism and Casino Career Security and Management Company subalit hindi nakaalis. Boy Cruz