Tigil-pasada sa Pangasinan ikinasa

DAGUPAN CITY, Philippines — Na­katakdang ilunsad anu­mang araw ang malawa­kang tigil-pasada ng ilang transport group sa Panga­sinan kaug­nay sa kautusan ng DOTC na nagpapataw ng malaking multa sa sinumang moto­rista na lalabag sa batas trapiko.

Sa pahayag ni Benny Aquino, pangulo ng Alliance of United Transports Organization Province-wide (AU­TO­PRO, Inc.), na lala­hok ang kanilang orga­nisas­yon sa tigil-pasada kung hindi isusus­pinde ng Mala­kanyang ang imple­mentas­yon ng memorandum ng DOTC.

Ayon kay Aquino, kabi­lang sa mga apektadong lugar ay ang mga rutang Bonuan (Tondaligan, Boquig at Bin­loc)-Dagupan at vice versa kung saan aabot 120 pam­pasehong jeepney ang lala­hok sa tigil-pasada.

Kabilang din sa ma­apek­tuhan ng tigil-pasada ay ang rutang Calasiao-Dagupan, Mapandan-Da­gu­pan, at Manaoag-Dagupan.

Maging ang rutang Ma­lasiqui-Dagupan at San Carlos City-Dagupan City ay inaasahang lalahok din sa kilos-protesta. Cesar Ramirez