Pulis, Navy niratrat

CAVITE , Philippines – Nasa kritikal na kondisyon ang mag­kaibigang pulis at Navy makaraang ratratin ng mag-ama sa harapan ng sabungan sa Congressional Road, Brgy. Poblacion 1, General Mariano Alvarez, Cavite, kahapon.

Kinilala ang dalawa na sina SPO2 Nardito Ding Sotto, 52, ng Bacoor-PNP at Rommel Pereña, 28, Phil Navy 1 at naninirahan sa Brgy. Hugo Perez.

Tugis naman ng pulisya ang mag-amang negosyante na sina Ruben Belong, 55; at Robinson Belong, 23, kapwa residente ng Blk 6, Lot 6, Brgy Cua sa ba­yang nabanggit.

Wala pang malinaw na motibo nasisilip ang imbestigador na si PO2 Joselito Jacinto. (Cristina Timbang)