6 tiklo sa drug bust

ZAMBALES , Philippines  – Anim-katao na pinaniniwalaang mi­yem­bro ng sindikato na nagpapakalat ng bawal na droga ang dinakma ng mga awtoridad sa isi­na­gawang operasyon sa Brgy. Calapacuan, Subic, Zambales ka­ha­pon ng umaga.

Sa bisa ng search warrant na inisyu ni Executive Judge Cielito Men­daro ng Manila Regional Trial Court Branch 29, sinalakay ng mga tauhan ng PDEA, Phil Coast Guard, PNP-SOG ang kuta ng mga suspek na sina Mercilito at Ian Aquino; Melencio at Mario Lopez Jr., Melanio Sabian at si Erick Dela Cruz na pawang naninirahan sa Purok 3-C, sa nabanggit na ba­­rangay at ngayon ay nakakulong sa Camp Oli­vas, Pampanga.

Nasamsam ng pulisya ang isang regular size marijuana plant, mga drug paraphernalias, mga baril at 45-gramo ng shabu na nagkakahalaga ng P.2 milyon. Alex Galang