Mag-asawa dinukot, tinodas

KIDAPAWAN CITY , Philippines  — Pagkatapos ng halos 9-araw na pagkawala na pinanini­walaang dinukot ng mga di-kilalang kalalakihan, natag­puan din ang mga bangkay ng mag-asawang magsa­saka na ibinaon sa maba­baw na hukay sa hangganan ng mga Barangay Polomo­lok at Bunawan sa bayan ng Columbio, Sultan Kudarat kahapon. Kinilala ni Co­lumbio Vice Mayor Amir Mu­sali, ang mag-asawang Cel­so at Pacia Biduya na kapwa naninirahan sa Barangay Sinkatulan sa bayan ng Makilala sa North Cotabato.

Nakagapos pa ang mga paa ng babae na kapwa tad­tad ng bala ng baril nang ma­diskubre sa mababaw na hukay. Base sa police report, isa umanong nagnga­nga­lang Abdul ang huling na­kausap ni Celso sa kan­yang celfon kaugnay sa lupain sa bayan ng Columbio,

Noon pang Marso 2 uma­­lis ang mag-asawang Biduya sa Barangay Sinka­tulan sa bayan ng Makilala at ‘di-na muling nakita. 

Ayon sa pulisya, dating amasona ng NPA si Pacia samantalang dating Cafgu naman si Celso. Blanko pa rin ang pulisya sa naganap na pamamas­lang sa mag-asawa na may naiwang tatlong anak. Malu Manar