Indian trader itinumba

Pinagbabaril hanggang sa mapatay ang isang 33-anyos na negosyanteng Bumbay ng dalawang mas­karadong kalalakihan kamakalawa ng madaling-araw sa bahagi ng Barangay Banaba sa bayan ng Padre Garcia, Batangas.

Kinilala ng pulisya ang biktimang si Gurider Prewal, may negosyong 5-6 at naninirahan sa # 801, Guadalupe Subdivision, Granja, Brgy. 7, Lipa City, Batangas.

Sa police report na nakarating sa Camp Crame, nakaupo sa driver’s seat ang biktima sa kotseng Chevrolet Optra (XTN 786) na nakaparada sa gilid ng kalsada habang hinihintay ang kaniyang misis na si Naringer Prewal.

Ayon sa pulisya, niratrat ng dalawang lalaking sakay ng motorsiklo ang biktima na pina­nini­walaang may kinalaman sa negosyong 5-6 ang pa­ma­maslang. (Joy Cantos)