Bata utas sa 'toy' gun

CAMP NAKAR, Lucena City – Malungkot na Pasko ang sasalubong sa pamilya ng isang 9-anyos na lalaki makaraang mamatay nang tamaan ng bala ng baril na nilaro ng kalaro sa Barangay Bilucao sa bayan ng Pitogo, Quezon noong Sabado.

Sa naantalang ulat na na­karating sa Camp Nakar, nakilala ang biktima na si Alexander Vasquez, grade 2 pupil, samantalang nasa pangangalaga na ng lokal na sangay ng Department of Social Welfare and Development (DSWD) ang suspek na itinago sa pangalang Maynard.

Naganap ang insi­dente sa bahay ni Reynaldo Modino kung saan pinaglalaruan ng suspek ang toy gun na converted sa kalibre .22 rifle.

Sa hindi inaasahang pagkakataon ay pumutok ang baril na hindi inakala ng dalawang bata na may bala at tinamaan ang biktima sa pisngi. Kina­su­han naman ang may-ari ng toy gun. (Tony Sandoval)