Pampasabog nasabat, pulis tiklo

CAMP SIMEON OLA, Legazpi City – Nalalagay sa balag ng alanganing masibak sa tungkulin at maka­suhan ang isang alagad ng batas makaraang masa­kote dahil sa pag-escort ng trak na may lulang pampa­sabog sa hangganan ng Barangay Ca­loocan at Ba­rangay Gadgaron sa bayan ng Matnog, Sorsogon ka­ha­pon ng umaga. Pomal na isinailalim sa tactical interrogation ang suspek na si PO1 Eme­lito Salvador ng Provincia Mobile Group na naka­base sa Batangas PPO at ang drayber ng trak na si Edgar Navarro. Base sa police report, ang trak na may plakang UTP313 na patungong Surigao del Sur ay nakumpiskahan ng 350 sako ng ammu­nium nitrate, 350 pirasong dinamita, 70,000 pira­song safety fuse, 30,800 metro ng detona­ting cord at 90,000 pirasong gamit din sa pampa­sabog. (Ed Casulla)