Baby nilasog ng ama

Dahil sa kakulangan ng pera na pambili ng gatas, isang sanggol na lalaki ang iniulat na nalasog ang ka­ta­ wan makaraang ihagis ng kan­yang ama mula sa ma­taas na gusali sa Brgy. Bal­zain, Tuguegarao City, Caga­yan kahapon ng ma­daling-araw.

Nahaharap ngayon sa kasong infanticide ang ama ng sanggol na si Rustom Timtim, 18, isang estud­yante sa Cagayan Colleges sa Tuguegarao City, na takot harapin ang res­ponsibilidad sa anak.

Batay sa ulat ni P/Chief Insp. Edward Guzman na nakarating sa Camp Cra­me, bandang alas-2 ng madaling-araw nang ma­mataan si Rustom na umak­yat sa ma­taas na gusali habang bitbit ang nag-iiyak na sanggol.

Ayon sa ilang testigo, si Rustom ang naghagis ng sanggol na sinasabing isi­nilang ng kaniyang kasin­tahang si Julie Ann Ramos, 19, estudyante rin ng nasa­bing kolehiyo.

Ipinahayag ni Guzman, na may posibilidad na bu­hay pa ang sanggol nang ita­pon at nasawi ito mata­pos na tumama sa binag­sakang lupa kung saan sasampahan nila ng ka­ukulang kaso ang magka­sintahan.

Habang iniimbestiga­han sa presinto, inamin naman ni Rustom sa pu­lisya na siya ang naghagis sa sanggol da­hil hindi pa sila handang ma­mu­hay at hindi nila kayang bu­hayin ang sang­gol lalo’t so­brang taas ng presyo ng infant milk. (Joy Cantos)