Taga-suporta ni Gov. Garcia, kapit-tuko

BALANGA CITY, Ba-taan – Mas lalong pinaig­ting ng mga taga-suporta ni Bataan Governor Enrique “Tet” Garcia, ang pagtata­nod sa loob at labas ng kapitolyo habang inaaba­ngan ang temporary restraining Order (TRO) na ipalalabas ngayon ng Court of Appeal.

Ayon kay Danilo Isip, ba­ rangay councilman, hang­ga’t hindi iniuutos ni Governor Garcia na ihinto na nila ang paglalagay ng cyclone wire bilang bari­kada ay hindi nila aalisin ito.

Pinangako naman ni Governor Garcia noong Biyernes na payapa niyang isusuko ang kanyang pu­westo sa araw ng Miyer­kules kahit hindi man siya bigyan ng TRO ng Court of Appeal.

Base sa rekord, sina Gar­cia, at 8 miyembro ng Sang­gu­niang Panlala­wi­gan ka­bilang na ang vice governor ay kinasuhan ng katiwalian.

At kasong plunder laban kina Governor Garcia, Atty. Aurelio Angeles, Rodolfo de Mesa, city administrator ng Balanga; at si Emerlinda Talento, provincial treasurer, ay isinampa ng Ombudsman dahil sa sinasa­bing pagbebenta ng mga kagamitan ng isang priba­dong kompanya.

Samantala, pansaman­talang umaaktong gober­na­dor si Vice Governor Serafin Roman na ang opi­sina ay nasa bayan ng Orani hang­ga’t hindi pa inaalis ng mga suporter ni Garcia ang bari­kada sa kapitolyo. (Jonie Capalaran)