Kinatay na bebot natagpuan

Cebu – Isang kinatay na katawan ng isang babae na isinilid sa isang malaking plastik ng basura ang na­tagpuan sa tabi ng isang sapa sa bukiring bahagi ng Barangay Campo-8 sa Minglanilla, Cebu kahapon ng tanghali.

Ayon kay P02 Avelino Celoria ng Minglanilla Police, mga batang kalalabas palang sa kanilang paara­lan ang nakakita ng isang asong may hinihilang braso ng tao.

Dahil dito ay dali-daling nagsuplong ang kabataan sa opisyal ng barangay at saka ipinagbigay alam sa pulisya nang makumpir­mang braso nga ng isang babae ang dala-dala ng aso. Bukod sa pagkaka­putul-putol ng katawan ng ‘di pa nakikilalang katawan ng biktima ay sinasabing pati ang ari nito ay biniyak din. Base sa nakikitang nakatiwangwang na bag ay dalawang binti ang naka­usling pinutol mula sa singit.

Putol din ang beywang nito mula sa pusod pati na rin ang kanang braso. Ma­liban dito ay may isa pang platic bag din na kulay itim sa tabi ng pinagtagpuan ng katawan na pinanini­ wa­laang ang laman ay parte rin ng katawan ng tao.

Base na rin sa pagsi­siyasat ay pinaniniwalaang katawan ng isang batam-bata pang babae ang nasabing bangkay dahil sa laki ng brasong sinimulan na sanang lapain ng asong gala. (Edwin Ian Melecio)