P3-M payroll nalimas

LA TRINIDAD, Benguet – Tinatayang aabot sa P3 milyong payroll ng mga kawani ng lokal na pamahalaan ng Apayao ang iniulat na tinangay ng mga maskaradong kalalakihan sa naganap na holdapan sa Sitio Banan, Barangay Lenneng sa bayan ng Cabugao, Apayao noong Martes ng hapon. Ayon kay Cordillera PNP spokesman P/Supt. Arni Emock, patungo sa munisipyo ng Cabugao sina Danilo Balican at tatlo pang kawani lulan ng Mitsubiishi Pajero para mag-deliver ng payroll (P3,098,000.00) nang harangin ng mga armadong kalalakihan. Hindi na nakapalag ang mga biktima matapos tutukan ng baril saka nilimas ang bag na naglalaman ng malaking halaga na ipapasuweldo sana sa mga kawani ng nabanggit na bayan. Artemio Dumlao