Ambush: BIR official utas

Isang opisyal ng lokal na sangay ng Bureau of Internal Revenue (BIR) ang iniulat na napatay maka­ raang tambangan ng mga armadong kala­lakihan sa Pagadian City, Zamboanga del Sur kamakalawa ng umaga. Kini­lala ang biktima na si Lolita Molina, 54, chief processing officer ng BIR sa nabanggit na lung­sod. Batay sa ulat na nakarating sa Camp Crame, naganap ang pa­ma­maril dakong alas -8  ng umaga may ilang metro lamang ang layo sa Southern Mindanao Colleges. Napag-alamang pa­tungo ang biktima sa kanyang opisina lulan ng traysikel nang ha­rangin at ratratin. Isi­na­sailalim sa masu­sing imbestigasyon ang naganap na pa­nanam­bang.