40 preso naratay sa diarrhea

Apatnapung (40) pre­so ng Iloilo Rehabilitation Center ang nara­tay sa pagamutan ma­tapos ang mga itong dumanas ng diarrhea dahilan umano sa pag­kain ng panis na kanin sa Pototan, Iloilo ayon sa ulat kahapon.

Batay sa report, na­kakain umano ng panis na kanin ang naturang mga preso nitong nag­daang mga araw na siyang pinaniniwa­laang sanhi ng labis na pag­tatae ng mga bilanggo.

Inirereklamo rin ng mga preso ang maru­ming inuming tubig sa ku­lu­ngan sa bayan ng Poto­tan sa naturang lalawi­gan.

Ayon sa mga preso, kahit ilang beses salain ay hindi pa rin nawa­ wala ang dumi at maba­hong amoy ng tubig.

Ipinaliwanag ng ta­galuto ng kulungan na hindi nila matantya ang pagluluto ng kanin dahil hindi magandang klase ng bigas ang sinu-supply  sa kanila na mabilis umanong mapanis.

Nasa ligtas ng kala­gayan ang nasabing mga preso matapos ma­aga­pan ang diarrhea ng mga ito habang isa pa ang patuloy na inoob­ser­bahan sa Iloilo Provincial Hospital dahil sa diarrhea. (Joy Cantos)