23 bakasyunista nalason sa lechon

Dalawampu’t tatlong ba­ kasyunista ang naospital makaraang kumain ng kon­taminadong lechon na ini­handa sa isang pagtiti­pon sa Bantayan Island, Cebu noong Linggo ng gabi, ayon sa ulat kahapon.

Kabilang sa mga bikti­mang isinugod sa Banta­yan District Hospital ay sina Lucia Pasilan, 63; Flora Mae Pa­silan, 19; Aldrin Pasilan, 10; Mirasol Ilustri­simo, 24; Marvin Ilustri­simo, 23; Chin-Chin Pla­cen­cia, 15; Bombe Beltran, 64; at si Dina Buna, 68.

Sa naantalang ulat ng pulisya na nakarating sa Camp Crame, lumilitaw na nag-outing ang mga bikti­ma sa Tinong’s Beach Resort sa Barangay Talisay sa bayan ng Sta. Fe noong Biyernes Santo.

Nabatid na noong Sa­bado de Gloria ay kinain pa ng mga biktima ang kani­lang natirang baong lechon at alimasag subalit kinabu­kasan ng Linggo ay naka­ramdaman sila ng pag­kahilo, pagsusuka, pana­nakit ng tiyan, ulo at pag­tatae.

Bunga nito ay isinugod ang mga biktima sa Ban­tayan District Hospital hang­gang nitong Lunes ng ma­da­ling-araw ay nasa ligtas na kondisyon na­man ang walo

Pinaniniwalaan namang pinakuluan lamang ang na­panis na ang natirang pag­kaing lechon at alima­sag ng mga biktima kaya nala­son ang mga ito. ( Joy Cantos )