Ex-Marines nailigtas ng agimat

LEGAZPI CITY – Isang retiradong kawal ng Phil. Marines na pinaniniwa­laang may taglay na agi­mat na naisalin ng kan­yang lolong namayapa ang na­kaligtas sa tiyak na ka­matayan makaraaang hindi tumalab ang mga bala mula sa dalawang ‘di-kilalang kalalakihan sa naganap na himalang insidente sa Lanco Business Park Compound sa Barangay Bitano, Legazpi City kahapon ng umaga.

Naganap ang insidente dakong alas-7 ng umaga habang ang biktimang si Rolando Abion, 61,  ay nag-ja-jogging sa loob ng na­turang compound kung saan umalingawngaw ang sunud-sunod na putok ng baril mula sa dalawang suspek na sakay sa mo­torsiklo na may takip ang plate no.

Napag-alamang hindi naglagos sa katawan ni Abion, ang mga bala at sa halip ay nabutas lamang ang suot nitong t-shirt at namula ang balat sa tiyan at dibdib nito.

Gayunman, sinabi ni Abion na posibleng mga rebeldeng NPA ang buma­nat sa kanya.

Samantala, duda rin ang mga kamag-anak nito na posibleng naisalin ng ka­niyang namatay na lolo ang agimat na pangontra sa tama ng bala noong na­bubuhay pa ang matanda nang mabatid na ibig mag-sundalo ng kaniyang apo. (Ed Casulla)