179 tauhan ng TF Subic sinibak

SUBIC BAY FREEPORT — Tinatayang aabot sa 179 miyembro ng Task Force Subic na pinaniniwalaang nakikipag­sabwatan sa mga smuggler ang sinibak ni Pre­sidential Anti-smuggling Group (PASG) chief Antonio Villar.

Ipinag-utos din ni Villar ang malawakang pagbalasa sa mga opisyal para mapa­litan ng bagong unit na ka­kalaban sa patuloy na smuggling sa Subic Bay Freeport Zone.

Ang pagbalasa ay ini­hayag ni PASG Usec Villar sa ginanap na press conference kahapon kung saan naka­sama niya sina Subic Bay Metropolitan Autho­ rity (SBMA) Chairman Feliciano Salonga at SBMA Administrator Arman Arreza kaugnay sa pagpapa-igting ng koo­peras­yon ng mga ahensya sa kam­panya na pigilan ang mga tangkang pagpasok ng mga smuggled goods sa panguna­hing Free­port ng bansa.

Hiniling din ni Villar kay Bureau of Customs (BoC) Commissioner Napoleon Morales na i-reshuffle ang mga collector sa nasabing Freeport.

Ang pagpapalit sa mga da­ting miyembro TFS ay gagawin na lamang 80 personnel para makakilos ang anti-smuggling group dahil sa posible aniyang nilamon na ng sistema at naki­kipag-kutsabahan sa mga is­ magler ang kasalukuyang TFS.

Ang pagbalasa ay isina­gawa makaraang mabuking na mailabas ang may 15 kahon ng mamahaling cellular phones na ipinapalagay na nagkaka­ halaga P45 milyon at ipinabalik din sa shipper ng international cargo courier.