Kawani ng PEO inambus

LINGAYEN, Pangasinan  – Malubhang nasu­gatan ang isang 44-anyos na kawani ng Provincial Engineering Office makaraang pagbabarilin ng dalawang di-ki­lalang lalaki na sakay ng motorsiklo sa bahagi ng Ba­rangay Doyong, Malasiqui noong Biyernes ng ha­pon.

Tinamaan sa tiyan, braso at sa paa ang bik­timang si Roberto dela Cruz ng Lingayen, Pangasinan at nga­yon ay nasa Region 1 Medical Center.

Sa inisyal na ulat ng pulisya, sakay ng motorsiklo ang biktima pa­tungo sa kanyang kaibigan nang dikitan at pagbabarilin ng motorcycle-riding gunmen. Inaalam pa ng pulisya kung ano ang motibo sa pagtatangka sa buhay ng biktima.   (Cesar Ramirez)