Mayor, treasurer sinuspinde

BULACAN – Naging ma­lungkot ang pagpasok ng 2008 sa mayor at tre­surero ng bayan ng Bustos at hindi  napigilan ang 90-araw na suspensyong ipi­nataw ng Sandiganbayan noong Lunes.

Sa 7-pahinang desis­yong ipinalabas ni Sandi­ganbayan Associate Justice Roland Jurado na ki­natigan naman nina Associate Justices Ma. Cris­tina Cortez-Estrada at Teresita  Diaz-Baldos ng Fifth Di­vision, sina Mayor Carlito Reyes at Municipal Treasurer Leonardo Del Rosario ay sinuspinde dahil sa pagbili ng mga gamot na ‘di-dumaan sa bidding noong 2006.

Pumalit bilang alkalde si Vice Mayor Teoderico Ger­vacio ayon sa kautusan ng Department of Interior and Local Government.

Pinabulaanan naman ni Re­yes ang akusasyon at wal­ang dahilan upang sus­pendihin pa siya dahil sa nabusisi na ng Om­buds­man ang nasa­bing kaso bago ang desis­yun ng Sandiganbayan.

Sa panig ni Del Rosario, sinabi nito na nauna na siyang sinuspinde ng 90-araw ng Ombudsman kaya hindi na dapat pang sus­pendihin dahil lalabas na 180-araw ang kanyang suspensyon.

Hindi naman kumbin­sido ang Fifth Division ng Sandi­ganbayan kaya’t ibinasura ang magkahi­walay na mosyon ng da­lawa dahil sa kakulangan ng merito kaya ipinatupad ang suspension.

Matatandaan na noong unang Linggo ng Nob­yembre ay pinawalang sala ng Sandi­ganbayan si Re­yes sa kasong graft na unang isi­nampa laban sa kanya ma­tapos manalo bilang alkalde ng Bustos noong 2001. Dino Balabo at Romeo “Boy” Cruz