Trike vs truck: 4 katao patay

CAMP CRAME  — Apat-ka­tao ang iniulat na nasawi habang isa pa ang nasa kri­ti­kal na kalagayan maka­raang salpukin ng ten-wheeler truck ang pampa­saherong traysikel sa Ma­harlika High­way sa bayan ng Tiaong, Quezon noong Biyernes.

Kabilang sa mga nama­tay ay sina Arwin Evange­lista, drayber ng traysikel; Eric Cola­rina, Dante Manalo at si Edil de Villa na pawang re­sidente ng bayang na­banggit. Patuloy na ginagamot sa San Pablo Me­dical Hospital sa San Pablo City, Laguna, ang suga­tang pa­sahero na si Carlos Castillo.

Batay sa ulat ng pulisya, naganap ang sakuna sa na­banggit na highway sa Ba­rangay Lalig dakong ala-una y media ng madaling-araw.

Napag-alamang buma­bagtas sa nasabing lugar ang Fuso truck na minama­neho ni Pacio Balcio nang masalpok ang traysikel.

Nahaharap ngayon sa ka­song kriminal ang truck dray­ber na ikinulong na sa him­pilan ng pulisya sa ba­yan ng Tiaong  para pana­gutan ang krimen. Joy Cantos at Tony Sandoval