2 US bomb expert sali sa imbestigasyon

CAMP AGUINALDO — Da­lawang US bomb expert ang tumulong na rin sa im­bes­tigasyon sa pambo­bomba sa terminal ng bus sa Koronadal City na kumitil ng buhay ng isang Pro­testant pastor habang pito pa ang nasugatan noong Biyernes ng hapon. 

Ayon kay P/Senior Supt. Robert Kiunisala, South Co­tabato police director  nitong Sabado ng hapon ay nagsi­mula nang mag-inspeksyon sa pinangyarihan ng pam­bo­bomba sa terminal ng YBL bus ang dalawang US military bomb expert.

Sinabi ni Kiunisala na bago ang pambobomba ay nagbanta pa ang grupo ng Al-Khobar sa may-ari ng bus na pasasabugin ito kapag hindi nagbigay ng protection money kaya lumi­naw ang anggulo ng ex­tortion.

Bunga ng insidente ay si­nuspinde naman ng Yellow Bus Line ang operasyon dahil sa pagsabog na ikina­sawi ni  Willie Caritan, Pro­testant  pastor sa Alliance Church sa Panabo, Davao City.

Sa pahayag ni Ramon Buriel, hepe ng security ng YBL, itutuloy lamang nila ang operasyon kapag tini­yak na ng militar at pulisya ang seguridad ng mga pa­sa­hero partikular na ang kanilang negosyo.

Kinumpirma pa nito na maraming beses na naka­tang­gap ng extortion letter ang pamunuan ng YBL bus mula sa nabanggit na grupo.

Napag-alamang hindi pag­bibigyan ng nasabing kompanya ng bus ang kahi­lingan ng nasabing grupo dahil masyadong malaki ang hinihingi na aabot sa P2 milyon at inisyal lamang ang P.5 milyon na ibibigay kada linggo. Joy Cantos