Mag-utol dinedo, ama nag-suicide

ANTIPOLO CITY – Pi­na­niniwalaang matinding dep­resyon ang bumalot sa pag­katao ng isang mister na ini­wan ng sariling misis kaya na­patay nito ang dalawang anak bago nagpakamatay sa loob ng kanilang bahay sa Baran­gay Dela Paz, Antipolo City, Rizal kamakalawa.

Tig-dalawang bala ng baril (9mm) sa katawan ang tuma­pos sa buhay ng mag-utol na Jaena, 22; at Jemar Ma­ca­pagal, 20. Saman­talang isang bala naman sa lalamunan na tumagos sa ulo ang tumapos kay Juanito Macapagal, 53, negosyante at pawang nanini­rahan sa #225 Purok Sumu­long ng nabanggit na baran­gay.

Sa imbestigasyong isinu­mite kay P/Supt. Danilo Ma­cerin, hepe ng himpilan ng pulisya sa Antipolo City, lumi­litaw na umuwing senglot si Juanito at dinatnan ang da­lawa nitong anak na dalaga’t binata na kausap ang nobya ng huli.

Napag-alamang tinanong ng ama ang mag-utol kung saan nagpunta ang kanilang ina na nakilalang si Arabella na lumayas may ilang araw na ang nakalipas.

Tumanggi namang sagu­tin ng mag-utol ang tanong ng ama kaya nag-alburoto sa galit at agad na pumasok ng kani­lang kuwarto at pagla­bas ay bitbit na ang baril at walang pakundangang pi­nag­babaril ang dalawa.

Matapos isagawa ang kri­men ay tinutukan pa ng sus­pek ang nobya ng kanyang anak, subalit imbes na iputok ito sa babae ay itinutok sa kan­yang lalamunan saka nagbaril sa harap ng nanga­ngatal na babae.

Naisugod pa sa Antipolo Doctors Hospital ang mag-utol subalit idineklarang patay na. 

Sa impormasyong naka­lap ng pulisya mula sa ilang kapit­bahay ng pamilya Ma­capagal, naging malu­lung­kutin si Juanito matapos lumayas ang asawa nito na halos araw-araw ay ginugulpi at posibleng sinapian ng ma­tinding depres­yon kaya na­patay ang dala­wang anak bago nagbaril sa sarili ang lalaki.