SMC-RP vs Singapore

SAN FERNANDO CITY, La Union – Kasa­lukuyang sinisilip ng Task Force Velasco ang ang­gu­long may kinalaman ang isang talunang kan­didato sa pagka-kon­gresista sa pamamas­lang kina Bacarra Mayor Philip Velasco at Coun­cilor Marcelo Andaya makaraang lumutang ang pangalan at numero nito sa cellular phone na nakumpiska ng pulisya mula sa napatay na gunman noong Linggo ng gabi.

Base sa radio report, ang pangalan at numero ng celfone ni Engineer Rey Nolan Sales, talu­nang congressional bet ay nadiskubre sa phone book ng Nokia 1110 ng assassin na si Marlo Kabasag.

Si Sales ay tinalo ni re-electionist at incumbent Rep. Roque Ablan na sinuportahan ni Mayor Velasco noong eleksyon.

Hindi naman nagbi­gay ng komento ang hepe ng Criminal Investi­gation and Detection Group sa Ilocos region na si P/Senior Supt. Marvin Bolabola, sa nagkaka­diskubre ng pangalan ni Sales, pero kinumpirma nito na ang gunman ay positibong bayarang ma­mamatay-tao.

Kasalukuyang isinu­mite na ang celluar phone ng gunman sa CIDG’s Cyber Crime Division sa Camp Crame para ma­suri at na-review ang mga pangalan sa phone book.

Inihayag din sa mga mamamahayag ni Bola­bola na kilala na nila ang may-ari ng .45. cal at mo­torsiklo na gagamitin sana ni Kabasag sa pagtakas pero napatay siya ng mga security aide ni Mayor Velasco.

Pansamantalang hin­di muna isiniwalat ni Bolabola ang pagkikilan­lan ng may-ari ng baril at motorsiklo upang hindi madiskarel ang serye ng imbestigasyon.

Matatandaang pinas­lang ni Kabasag sina Velasco at Andaya sa loob ng auditorium ha­bang idinaraos ang coro­nation night ng Bacarra Farmers Festival sa ba­yan ng Bacarra noong Linggo ng gabi (May 20). Jun Elias