Engkuwentro: 3 opisyal ng NPA tumba

CAMP CRAME — Tatlong kumander ng mga rebeldeng New People’s Army ang kumpirmadong napatay makaraang makipagsagupaan sa tropa ng 102nd Infantry Brigade ng Phil. Army sa magubat na bahagi ng Barangay Datal, Columbio, Sultan Kudarat kamakalawa.

Kabilang sa mga napaslang na rebelde ay sina Catalino Tacadao, alyas Ka Tatay Asio, kalihim ng Far South Mindanao Region ng CPP-NPA; Ruperto Casamorin, alyas Ka Vergel, platoon leader ng Main Regional Unit; at si Ivy Jasilan, medical team leader ng Main Regional Medical Unit. Ayon sa ulat, tumagal din ng may ilang minuto ang sagupaan bago bumulagta ang tatlong opisyal. (Joy Cantos)