Bala para sa ‘Araw ng mga Ama’

RIZAL — Hindi na umabot sa Araw ng mga Ama ang isang retiradong sarhento ng Phil. Army makaraang pagbabarilin sa harap mismo ng kanyang asawa’t anak ng dalawang kalalakihang nakagalit ng una sa Barangay Sampaloc, Tanay, Rizal kamakalawa ng gabi. Napuruhan sa likurang bahagi ng ulo ang biktimang si ex-Sgt. Gregorio Agda ng Masalat Road ng nabanggit na barangay. Isa sa mga suspek na si Noel Abuacan, 30, ay agad namang nasakote, samantalang tugis ng pulisya si Ramiro Reyes, 33. Napag-alamang naglalakad ang biktima kasama ang kanyang asawa’t anak nang lapitan ng mga suspek na pinaniniwalaang may matinding galit at isagawa ang pamamaslang. (Edwin Balasa)