Trader naghamon ng away binoga

Pitogo, Quezon – Naging mitsa ng kamatayan ng isang negosyante ang paghahamon nito ng away makaraang pagtatagain ng kaniyang kapitbahay sa Brgy. Quintagasan ng bayang ito kamakalawa ng hapon. Ang biktima ay nakilalang si Romelo Rebullo, 44, habang nasakote naman ang suspek na si Noel Santiago, 50.

Batay sa imbestigasyon ng pulisya, bandang alas-6 ng gabi habang ang suspek at asawa nito ay naglalakad nang harangin ng lasing na biktima.

Hinamon umano ng suntukan ng biktima ang suspek at palibhasa’y lasing ay hindi ito pinansin ng nasabing lalaki na nagpatuloy sa paglalakad.

Subali’t naging makulit ang lasing na pinagpapalo ang suspek ng dos por dos bunsod upang tuluyan itong magalit at ipagtanggol ang sarili ng pagtatagain ang biktima na siya nitong ikinamatay. (Tony Sandoval)