Ex-police tulak ng shabu, arestado

LA UNION – Isang dating pulis na ngayon ay pinaghihinalaang drug pusher ang dinakip matapos na mahulihan ng shabu sa Bauang, sa lalawigang ito kamakalawa ng gabi.

Ayon kay La Union Police director Sr. Supt. Samuel Diciano, inaresto si Ignacio Abuan, 48, ng Brgy. Payocpoc nang makuha sa kanya ang 2.28 gramong shabu.

Si Abuan ay dating pulis na nakatalaga sa 1st Criminal Investigation and Detection Group.

Ayon kay Supt. Pedro Ubaldo, chief of police ng Bauang, umamin si Abuan na kanya ang nasabing droga ngunit ito’y pansariling gamit umano nito at hindi para ibenta.

Hindi pumalag si Abuan nang kapkapan ng mga pulis nang datnan siya sa isang bilyaran sa Brgy. Parian matapos makakuha ng impormasyon na nagbebenta ng shabu sa nasabing lugar ang suspek. Artemio A. Dumlao