Trak vs dyip: Maid dedo, 3 pa grabe

CAVITE — Maagang kinalawit ni kamatayan ang isang 17-anyos na maid, habang tatlo pa nitong kasamahan ang nasa kritikal na kondisyon makaraang salpukin ng trak ang sinasakyang ower-type jeep ng mga biktima sa bayan ng Carmona, Cavite kamakalawa. Nasawi sa sakuna si Susan Villacorta, samantalang ginagamot naman sa ospital sina Florence Joy Fortaliza, 2; Jennelyn Llagas, 17 at PO3 Arcadio Fortaliza, 32, ng Dasmariñas PNP station at pawang naninirahan sa Barangay Bucandala, Imus, Cavite.

Base sa ulat ni SPO2 Zacarias Balleber, patungo sa bayan ng General Mariano Alvarez ang mga biktimang sakay ng dyip (UBJ-248) na minamaneho ni PO3 Fortaliza nang salubungin ng trak na hindi nakuha ang numero ng plaka. (Ulat ni Cristina Timbang)