Banyaga dinedo ng mga magnanakaw

CAMP SIMEON OLA, Legazpi City — Pinagbabaril hanggang sa mapatay ang isang Belgian national ng mga maskaradong kalalakihan na pumasok at nanloob sa bahay ng biktima sa Barangay Napo, Polangui, Albay kamakalawa ng gabi. Bandang alas-10:30 ng gabi nang pasukin ng mga hindi kilalang lalaki ang bahay ng 53-anyos na si Eddy Nierynck.

Sa ulat na nakarating kay P/Supt. Roque Ramirez provincial director ng Albay PNP, tinangay ng mga magnanakaw ang malaking halaga ng pamilya Nierynck, bago nagsitakas. Wala namang nagawa ang asawa ng biktima na si Liza sa takot na barilin. Hindi naman idinamay ang dalawang anak ng biktima na nagtago sa saradong kuwarto. (Ulat ni Ed Casulla)