Candelaria councilor dedo sa ambush

QUEZON — Tinambangan at napaslang ang isang municipal councilor ng dalawang hindi kilalang lalaki na lulan ng motorsiklo habang ang biktima ay nagmamaheno ng owner-type jeep na may plakang CCR-455 at bumabagtas sa kahabaan ng Barangay Malabanan Norte. Sinisilip ng mga tauhan ni P/Senior Supt. Leo Kison, ang anggulong politika at negosyo sa pagkakapaslang kay Candelaria Councilor Jose Landicho, 51, ng Barangay Mangilag Sur na kasapi ng Liberal Party at malapit na kaalyado ni Candelaria Mayor David Emralino.

Base sa ulat, ang biktima ay patungo sa munisipyo upang dumalo ng regular session ng konseho nang tambangan. Kinondena naman ni Mayor Emralino ang naganap na insidente at nag-alok ng malaking halaga na pabuya sa sinumang makagpatuturo sa mga killer. (Ulat ni Tony Sandoval)