2 totoy lunod sa ilog

LEGAZPI CITY — Hindi na nakauwi pa ang dalawang menor-de-edad at kinalawit ni kamatayan makaraang malunod magkasabay sa ilog na sakop ng Barangay Bogtong sa lungsod na ito kahapon ng umaga. Bandang alas-6:30 ng umaga nang matagpuang nakalutang sa ilog ang bangkay nina Vincent De Guzman, 10 at Jonel Castillo, na kapwa naninirahan sa Sitio Ilawod, Barangay Pawa.

Napag-alamang huling namataan ang dalawang naka-bisikleta na nagpaalam sa kanilang mga magulang na maliligo sa ilog ng Yawa hanggang sa mapaulat na nawawala at matagpuang nakalutang sa ilog. (Ulat ni Ed Casulla)