Kuya tinodas ni bunso

CAVITE – Sinaksak at napatay ang isang 36-anyos na lalaki ng sariling utol makaraang magtalo ang magkapatid kamakalawa ng hapon sa Barangay San Nicolas 1, Dasmariñas, Cavite. Natodas sa J.P. Hospital ang biktimang si Melchor Miano, samantalang tinutugis naman ang suspek na si Felix Miano, 34, kapwa residente ng nabanggit na barangay.

Sa pagsisiyasat ni PO3 Edgar Belza, nagkasagutan ang magkapatid sa hindi nabatid na dahilan hanggang sa mapikon ang suspek sa tinuran ng biktima hanggang sa maganap ang pamamaslang. Isinugod pa sa nasabing ospital ng suspek ang kanyang utol, subalit binawian ng buhay habang ginagamot. (Ulat ni Cristina Timbang)