Misis dinedo ng kaaway ng mister

CAVITE — Pinagtataga hanggang sa mapatay ang isang 37-anyos na misis ng dalawang nakaalitan ng kanyang mister sa Barangay Ligas 1, Bacoor, Cavite kamakalawa ng gabi. Kinilala ng pulisya ang biktima na si Angelita Reyes ng De Castro Subdivision ng nabanggit na barangay, samantalang ang dalawang suspek na kasalukuyang nagtatago ay nakilalang sina: Gaspar Abandesa, 40; at Jimbo Ebgan, 32, na kapwa residente ng nasabing lugar.

Lumilitaw sa imbestigasyon ng pulisya, na nakagalit ng mister ng biktima ang dalawang suspek na aktong mananaga; subalit nakatakbo ang lalaki hanggang sa mapagbalingan ang biktima. (Ulat ni Cristina G. Timbang)