Minyo ang karelasyon
Dear Atty. Divine,
Ang akong karelasyon karon adunay unang pamilya. Kasal siya sa iyang first wife, apan nagbuwag sila sud na sa lima ka tuig.
Ang akong hinigugma nagsuporta sa ilang duha ka mga anak.
Ug ang iyang first wife maoy nag-custody sa mga bata. Matud sa akong boyfriend nga willing siya magpakasal nako.
Ang akong pangutana, kUn possible ba ming makasal taliwala sa iyang sitwasyon karon? Daghang salamat.
Vivian
* * *
Dear Vivian,
Bisan kun lima ka tuig nang nagbuwag ang imong boyfriend ug ang iyang asawa, ug samtang wa pa ma annul sa korte ang ilang marriage, pabilin silang minyo sa usa’g-usa basi sa atong balaod.
Buot ipasabot nga dili mamahimong magpakasal og usab ang imong boyfriend kanimo samtang nag-exist pa ang iyang previous marriage.
Busa, kun tinuod nga interesado gyud ang imong boyfriend nga magpakasal kanimo, kinahanglan nga iya unang ipa annul ang iyang previous marriage. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest















