4 "TABA" cops timbog

CAMP CRAME – Apat na kagawad ng pulisya na tinaguriang TABA (Tamad, Abusadao, Bastos at Ayaw padisiplina) ang dinakip at kandidato sa re-training sa Subic, Zambales makaraang magpaputok ng kanilang baril sa magkahiwalay na bayan ng Oriental Mindoro at Bulacan, ayon sa ulat kahapon.

Kabilang sa mga dinakip sa piyestahan sa Pinamalayan, Oriental Mindoro ay sina: PO1 Alexander Abero, PO1 Lake Esteleydes at PO1 Emmanuel Raymundo na pawang nakatalaga sa Mindoro Regional Police Mobile Group, samantala inaresto naman sa Barangay Pinagbarilan, Baliuag, Bulacan si P/Senior Inspector Rommel Salac matapos na magpaputok ng sariling baril sa likurang bahagi ng Eduardo’s videoke bar na kanyang pag-aari. (Ulat ni Joy Cantos)