Sumaklolo sa tiyahin tinodas

LINGAYEN, Pangasinan – Binaril at namatay ang isang 27-anyos na lalaki ng isa sa dalawang holdaper makaraang sumaklolo ang biktima sa kanyang tiyahin hinoholdap sa kahabaan ng MacArthur Highway na sakop ng Barangay Nancamaliran West, Urdaneta City, Pangasinan noong Sabado, Hulyo 17, 2004.

Pinilit na isugod sa Urdaneta Sacred Heart Hospital, ang biktimang si Allan Manzano, subalit hindi na umabot ng buhay. Napag-alaman sa ulat, na namataan ng biktima ang tiyahing si Julia Balmonte na hinoholdap kaya nagmamadaling sumaklolo, subalit sinalubong ng putok ng baril. Wala naman nakuhang anumang gamit ang mga holdaper na tumakas sakay ng motorsiklo, ayon pa sa pulisya.