5 karnaper nasakote

PAMPANGA – Limang kalalakihan na pinaniniwalaang mga karnaper ang dinakip ng mga kagawad ng pulisya sa isinagawang operasyon sa Gapan Olongapo Road sa San Fernando, Pampanga kahapon. Kabilang sa mga suspek na nakapiit sa Camp Olivas ay nakilalang sina: Romeo Punzalan, 44; Ramson Cordero, 54, ng Barangay Bayan, Orani; Orlando Montemayor, 58, ng Barangay Kulis, Hermosa; Elma Victoriano, 32, ng Barangay Tinejero at Eduardo Pizarro ng Balanga, Bataan. Nakumpiska sa mga suspek ang Kulay puting Istana van na may plakang WPM 903 at kulay pulang Masda 323 na may plakang TSU 244. (Ulat ni Resty Salvador)