Mag-asawa tiklo sa gun smuggling

CAMP CRAME – Nalambat ng mga tauhan ng 11th PNP Regional Mobile Group ang mag-asawang pinaniniwalaang gun smuggling makaraang makumpiskahan ng mga baril sa itinayong checkpoint sa Purok 6, Barangay Lacson, Calinan, Davao City, ayon sa ulat kahapon. Kasalukuyang naghihimas ng rehas na bakal ang mag-asawang sina Manuel at Miguela Matig-a na kapwa residente ng Juan Luna St. ng nasabing lungsod. Base sa ulat, ang 12 pirasong kalibre 38 at .45 baril na paltik ay lulan ng kulay asul na Nissan Urvan na may plakang LET 914 at tangkang dalhin sa Davao City mula sa Cagayan nang masabat ng mga tauhan ni P/Insp. Antonio Alberto Jr. (Ulat ni Joy Cantos)