31 menor-de-edad nasagip sa mga bahay-aliwan

TUGUEGARAO CITY, Cagayan – Umaabot sa 31 kabataang babae ang naisalba mula sa mga bahay aliwan sa nasabing lungsod ng mga tauhan ng Department of Labor and Employment (DOLE), National Bureau of Investigation (NBI) at Department of Social Welfare and Development (DSWD) makaraang ilunsad ang proyektong Sagip Batang Manggagawa Quick Action Team (SBMQAT).

Ayon kay DOLE Regional Director Natahaniel Lacambra, ang mga nasagip na menor-de-edad ay pawang walang kaukulang permiso para mamasukan bilang guest relations officers (GRO) at papatawan ng kaukulang parusa ang mga establisimyento na tumanggap ng mga kabataang babae (Ulat ni Victor Martin)