Negosyanteng Tsino kinasuhan

Isang negosyanteng Tsino ang kinasuhan sa tanggapan ng Department of Environment and Natural Resources (DENR) makaraang lumabag sa environmental law sa Apo Reef Marine Natural Park sa Sablayan, Occidental Mindoro.

Kabilang sa nagsampa ng kaso noong Abril 19, 2003 laban kay Tony Ang, may-ari ng Tiara II ay sina Gilda Ma. Santos, dive master at instructor; Juan Wee, may-ari ng Oceanic Explorer; mga dive instructor Toni Efune, Cristina Uy, George Uy-Tioco, Richard Ang, Eduardo Rocha Jr., Tim Duckworth, Kristina Plinski, Jamby Madrigal at Eric Valade.

Napag-alaman na ang Apo Reef ay isa sa sampung idineklarang National Integrated Protected Areas System (Nipas) sa ilalim ng Conservation at Priority Protected Areas Project ng DENR.

Nabatid pa sulat na ang Tiara na pag-aari ni Ang ay nakarehistro bilang Auxiliary Coast Guard (PCG AUX 101332), ngunit nanatiling inutil ang Phil. Coast Guard sa pagsugpo sa ilegal na aktibidades sa nabanggit na lugar. (Ulat ni Lordeth Bonilla)