Preso nag-suicide sa selda

DAET, Camarines Norte – Isang 38-anyos na preso ang iniulat na nagbigti sa loob ng kanyang selda makaraang hindi makayanan ang matinding sakit na ulcer kahapon ng madaling-araw sa Camarines Norte Provincial Jail sa bayang ito.

Natagpuan ng mga kasamahang preso bandang alas-3:30 ng madaling-araw ang bangkay ni Ricardo Detablan, may asawa ng Urban Poor, Barangay Alawihao, Daet na nakabitin sa loob ng banyo ng naturang kulungan.

Sinabi ni Jail Warden Col. (ret.) Efren Arayata na si Detablan ay may nakabinbing kasong attempted parricide at child abuse bago mag-suicide. Inaalam pa ng pulisya kung may foul play sa naganap na pangyayari. (Ulat ni Francis Elevado)