27 NPA rebels sumuko sa pamahalaan

CAMP AGUINALDO – Umaabot sa dalawampu’t pitong rebelde kabilang na ang ilang supporter nito ang iniulat na sumuko sa tropa ng militar na nakabase sa Oriental Mindoro, Leyte at Davao del Sur kamakalawa ng umaga.

Bandang alas-9:30 ng umaga nang sumuko sa kampo ng 204th Army Brigade ng Phil. Army na nakabase sa Barangay Pamirez, Villa Serveza, Victoria, Oriental Mindoro sina Delfa Delos Reyes, Benito Bueno, Imelda Bueno, Liwayway Pidor at Beltran Barcelona.

Samantala, sumuko rin ang mga supporters na sina Cezar Ramirez, brgy. chairman ng Villa Cerveza; Sotero Leos, Brgy. Chairman ng Alcate; Renato Cayetano, Jose Belda, Isabelo Malamanig, Ernesto Ramos, Demetrio Llanes, Simeon Madriaga, Jeny Pagba, Domingo Apolicia, Rolando Sotto, Elesio Atienza, Lucero Evangelista, Sergio Genteroy, Abelardo Pantaleon at Clemente Genteroy.

Sumuko naman sa 43rd Infantry Battalion sa Brgy. Sabang Zone II, Allen, Northern Samar sina Antonio Ceriaca, Cerilo Fernando, Rogelio Impredo at Carlos Cepada.

Kabilang din sa sumuko sina Ruben Moral at Juniel Castro na pawang 18-anyos dahil na rin sa nararanasang matinding kahirapan at demoralisasyon. (Ulat ni Danilo Garcia)