Shellfish sa 6 lalawigan may Red Tide

Inanunsiyo kahapon ng Bureau of Fisheries and Aquatic Resources (BFAR) na hindi pa maaaring kainin ang shellfish tulad ng tahong, talaba at halaan mula sa anim na lalawigan sa bansa.

Ayon sa BFAR, mataas pa umano ang lason ng red tide sa mga baybayin ng Cancabato Bay Zambales; Palawan; Mandaun Milagros, Masbate; Huag Lagoon Sorsogon; Dumanguillas Bay Zamboanga del Sur at San Pedro Bay sa Leyte at Samar.

Nakipag-ugnayan na ang BFAR sa mga local executives ng nabanggit na lalawigan upang hindi na makarating pa sa ibang lugar ang mga shellfish products.

Binanggit ni Josie Genesera, Chairman ng TF Red Tide ng BFAR na patuloy umanong minamanmanan ng mga itinalagang tauhan ang mga nasabing lalawigan upang sa ganoon ay hindi ito makalusot. (Ulat ni Angie dela Cruz)