2 nalunod sa beach, 1 nawawala

PASACAO, Camarines Sur –Dalawa-katao ang iniulat na nalunod, samantala, isa pa ang nawawala na pinaniniwalaang namatay na rin matapos na magkakasamang naligo sa Abordo beach resort sa Sitio Pongol, Brgy. Balogo sa bayang ito kahapon ng umaga.

Kinilala ang mga biktimang nasawi na sina Jesus Resurrecion, 22, ng Zone 3, Del Rosario, Pamplona at Lerly Evorda, 24, dalaga ng Brgy. Labao, Libmanan, samantala, pinaghahanap naman ang nawawalang si Ronel Resurrecion, 14, utol ni Jesus.

Sa ulat ng pulisya, nag-excursion ang mga biktima sa naturang beach at magkakasamang naligo ngunit bandang alas-5 ng hapon ng malaman nilang nawawala na ang tatlo saka natagpuan naman ang dalawang biktima dakong alas-6:30 ng umaga kahapon. (Ulat ni Ed Casulla)