Dating Cafgu inambus ng NPA

LIBON, Albay – Tinambangan at napatay ang dating miyembro ng Civilian Armed Forces Geographical Unit (CAFGU) ng mga rebeldeng New People’s Army (NPA) habang ang biktima ay naglalakad papauwi sa Zone 4, Sitio Paclas sa bayang ito kamakalawa ng hapon.

Nagtamo ng maraming tama ng bala ng M-16 assault rifle ang biktimang si Gonzalo Llamasares, 42, may asawa, magsasaka ng Brgy. San Pascual sa bayang ito.

Namataan naman ang limang hindi kilalang armadong kalalakihan na papalayo sa pinangyarihan ng krimen dakong alas-3 ng hapon.

Napag-alaman na may ilang ulit tinangkang tambangan ang biktima ng mga rebelde ngunit hindi matiyempuhan dahil sa may nagbibigay ng impormasyon kaya nagagawa nitong makaiwas hanggang sa nakakuha ng pagkakataon ang mga rebelde na maisagawa ang krimen. (Ulat ni Ed Casulla)