Mag-lover minasaker

TANZA, Cavite – Pinagbabaril hanggang sa mapatay ang magkalaguyo ng mga hindi kilalang armadong kalalakihan, samantala, nakaligtas naman sa kamatayan ang tatlong taong gulang na batang lalaki na anak ng lalaki habang ang tatlo ay nagpapahinga sa loob ng kanilang bahay sa Brgy. Bagtas sa bayang ito kamakalawa ng gabi.

Binistay ng bala ng armalite rifle ang mga biktimang sina Crisanto Cardino, 30 at live-in partner nitong si Lorna Mucenda, 35, samantala, nakaligtas naman ang batang lalaki na si Junior.

Sa inisyal na pagsisiyasat ni PO1 Neil Morano, niratrat ang mag-live-in bandang alas-9:30 ng gabi matapos na pumasok ang mga armadong kalalakihan habang nasa loob ng kanilang bahay.

May palagay naman ang pulisya na ang mga killer ay kakilala ng mga biktima na nagnanakaw ng baka at kalabaw sa nabanggit na barangay. (Ulat nina CristinaGo-Timbang /Mading Sarmiento)